Se estás pensando en poñerlles GPS ás túas vacas, o primeiro que queres saber é canto custa. E a resposta curta é que menos do que moita xente imaxina: con Rumi, o colar GPS de Innogando, o colar custa desde 120 € e a cota de mantemento desde 15 € ao ano por colar.
Pero o prezo dun colar GPS para vacas non é só o aparello. Neste artigo contámosche que entra no custo, que modelos de pagamento hai e como saber se che compensa na túa gandaría.
Canto custa un colar GPS para vacas?
O custo dun GPS para vacas ten case sempre tres partes:
- O colar. É o dispositivo que leva cada animal: GPS, sensores, batería e, no caso de Rumi, panel solar para que non teñas que recargalo.
- A cota por colar. É a cota de mantemento do servizo.
- A antena. É a que recolle o sinal dos colares e permite que funcionen mesmo onde non chega a cobertura do móbil.
Con Rumi, o colar custa desde 120 € e a cota desde 15 € ao ano por colar, a partir de 10 colares. O prezo final depende sobre todo de cantos animais queiras equipar: canto máis colares, mellor prezo.
Que fai que un GPS para vacas sexa máis caro ou máis barato?
Non todos os colares GPS son iguais, e comparar só o prezo pode levar a erro. Estas son as diferenzas que máis pesan:
- Só localización ou algo máis. Un localizador básico dite onde está a vaca. Un colar como Rumi, ademais, detecta celos, avísate se un parto se complica e vixía a rumia e a actividade para alertarte de posibles problemas de saúde.
- Cobertura. No monte moitas veces non hai sinal de móbil. Un sistema con antena propia segue funcionando onde un GPS que depende do móbil queda sen datos.
- Batería. Un colar que hai que recargar ou cambiarlle as pilas custa tempo. Coa carga solar esquéceste.
- Garantía e servizo. No campo os colares sofren golpes e temporais. Fíxate na garantía e en quen te atende se algo falla.
Pagamento único ou cota: os modelos de Rumi
Rumi ten dúas formas de pagamento, pensadas para gandarías de distinto tamaño:
- Venda (de 10 a 29 colares). Mercas o colar nun pagamento único e despois só pagas a cota anual de mantemento.
- Venda Flexible (desde 30 colares). Fas un pagamento inicial reducido por colar e pagas unha cota anual, cun contrato de 5 anos. Canto máis colares, mellor prezo.
Que inclúe o prezo
Todos os colares Rumi inclúen 10 anos de garantía de fábrica (se falla de orixe, substituímolo sen custo) e un seguro a todo risco durante 5 anos contra rotura accidental, golpes ou caídas. Nin a garantía nin o seguro cobren a perda ou o roubo do dispositivo.
Ademais, os colares deseñámolos, fabricámolos e montámolos en Lugo, así que detrás de cada un hai un equipo próximo que coñece o campo.
Compensa poñerlles GPS ás vacas?
Para sabelo, compara o custo co que che aforra. Pensa nas horas que pasas buscando animais polo monte, nos celos que pasan sen ver ou nun parto que se complica sen que ninguén se decate a tempo. Cada un deses problemas ten un custo, aínda que non sempre o apuntemos.
Se queres poñerlle números ao teu caso, proba a nosa calculadora de aforro para a túa gandaría.
E se ademais quero valado virtual?
Se o que buscas é controlar onde pastan as túas vacas sen postes nin cables, Rumi PRO suma valado virtual a todo o que fai Rumi. Estará dispoñible na primavera de 2027, desde 22,80 € ao ano por colar. Explicámoscho en detalle en valado virtual para gando: como funciona e canto custa.
Preguntas frecuentes
A cota é mensual?
Non. A cota de Rumi é anual e por colar. A antena págase á parte.
Cantos colares teño que mercar como mínimo?
Os prezos da tarifa son a partir de 10 colares.
Funciona se na leira non hai cobertura de móbil?
Si. Rumi funciona cunha antena propia, así que localiza os teus animais mesmo onde non chega o móbil.
Teño que recargar o colar?
Non. Rumi recárgase coa luz do sol grazas ao seu panel solar.
Pide o teu prezo
Cada gandaría é distinta. Cóntanos cantos animais tes e como traballas, e preparámosche unha proposta sen compromiso. Tamén podes ver todo o que fai o colar GPS para vacas Rumi.
